ជំងឺគាំងបេះដូង : រោគសញ្ញាដំបូងមុនពេលជំងឺនេះកើតឡើង? | Heart Attack: The early signs before they strike you?
ក្នុងប្រទេសកម្ពុជា អត្រាអ្នកស្លាប់ (ទាំងបុរស និងស្រ្តី) ដោយជំងឺគាំងបេះដូងមានការកើនឡើងគួរអោយព្រួយបារម្ភ។ ដើម្បីចាត់វិធានការណ៍ដោះស្រាយបញ្ហានេះ អ្នកគួរដឹងអំពីឫសគុល និងមូលហេតុពិតប្រាកដ។ ដូចគ្នានឹងជំងឺដទៃទៀតដែរ មុនពេលដែលអ្នកជំងឺគាំងបេះដូង មានរោគសញ្ញាខ្លះៗនឹងបង្ហាញប្រាប់អ្នក។ ខាងក្រោមនេះ ជារោគសញ្ញាខ្លះៗដែលជនរោងគ្រោះជួប ឬមិនជួបប្រទះ :
• ឈឺទ្រូង តឹងទ្រូង និងឈឺស្មា ដៃ ឬខ្នងគឺជារោគសញ្ញាទូទៅដែលមនុស្សស្ទើគ្រប់គ្នាឆ្លងកាត់មុនពេលដល់ដំណាក់កាលកើតជំងឺបេះដូង។
• មានអារម្មណ៍មិនបាកដកដង្ហើមដោយមិនដឹងមូលហេតុ។ នេះ ជាក់ស្តែងបញ្ញាក់បា្រប់ថា អ្នកកំពុងឆ្ពោះទៅកាន់ជំងឺគាំងបេះដូង។ ជាធម្មតា ប្រសិនបើអ្នកពិតជាមានជំងឺគាំងបេះដូងមែន នោះ អ្នកនឹងមានរោគសញ្ញាផ្សេងទៀត។
• អ្នកមានអារម្មណ៍ងងុយគេង។
• មានអារម្មណ៍ធីងធោង ឈឺក្បាល និងវិលមុខ។ រោគសញ្ញាទាំងនេះសរបញ្ជាក់ថា អ្នកកើតជំងឺគាំងបេះដូង។ អ្នកមិនគួរព្រងើយកន្តើយនោះទេ។ អ្នកគួរទៅពិគ្រោះយោបល់ជាមួយគ្រូពេទ្យជំនាញភ្លាម។
• មានជនរងគ្រោះមួយចំនួយមានអាការបែកញើស និងរងារ ឬអ្នកមាន អារម្មណ៍អស់កម្លាំងដោយគ្មានហេតុផល។
រោគសញ្ញាខាងលើ អាចកើត ឬមិនកើតលើជនរោងគ្រោះ។ ការឈឺទ្រូង តឹងទ្រូង និងឈឺស្មាជារោគសញ្ញាដែលស្ទើគ្រប់អ្នកជំងឺជួបប្រទះ។ ទោះជាយ៉ាងណា អ្នកជំងឺអាចមានរោគសញ្ញាផ្សេងទៀតខុសៗគ្នា។
ដូច្នេះ អ្នកគួរតែសង្កេតមើលដោយខ្លួនឯង និងទៅពិគ្រោះពិនិត្យជាមួយអ្នកជំនាញប្រសិនបើអ្នករកឃើញរោគសញ្ញាណាមួយ មិនថាធ្ងន់ធ្ងរ ឬស្រាលក្តី ព្រោះបញ្ហាតូចអាចក្លាយជាបញ្ហាធំបាន។ ជំងឺគាំងបេះដូងជាជំងឺដែលគួរអោយព្រួយបារម្ភបំផុត ដូច្នេះអ្នកគួរជៀសវាងពីជំងឺនេះ។