ជំងឺមហារីកមាត់ស្បូន តើវាកាចសាហាវយ៉ាងដូចម្ដេច? និងមានសង្ឃឹមរស់ប៉ុន្មានភាគរយ? | Cervical Cancer - how deadly is it and its' survival rate?
មាត់ស្បូនគឺជាផ្នែកសំខាន់បំផុតនៃប្រព័ន្ធបន្តពូជរបស់ស្ត្រី។ មាត់ស្បូន គឺជាចំនុចបើកស្បូនពីទ្វាមាស។ វាគឺជាកន្លែងដែលមេជីវិតឈ្មោលចូលក្នុងស្បូនបន្ទាប់ពីរួមភេទរួច។ ជំងឺមហារីកមាត់ស្បូនកើតនៅពេលកោសិកាក្នុងមាត់ស្បូនចាប់ផ្តើមលូតលាស់ក្នុងអត្រាមិនប្រក្រតីមួយ។ បន្តិចម្ដងៗ ដុំសាច់ក៏កកើត។ ដុំសាច់នេះរំខានដល់ប្រព័ន្ធបន្តពូជទាំងមូល។ វាចាប់ផ្តើមពីកន្លែងតូចមួយប៉ុណ្ណោះ ប៉ុន្តែវាអាចរីករាលដាលទៅដល់កោសិកាដទៃប្រសិនបើមិនធ្វើការព្យាបាលនោះទេ។
ជំងឺមហារីកមាត់ស្បូនជាជំងឺដែលត្រូវបានឆ្លងតាម រយៈការរួមភេទ។ ដូច្នេះ វាមិនមានផលប៉ះពាល់ដល់អ្នកដែលមិនរូមភេទនោះទេ។ ឬភាគតិចបំផុតដែល អ្នកមិនដែលរូមភេទអាចកើតជំងឺនេះ។ ជំងឺមហារីកមាត់ស្បូនកើតឡើងដោយវីរុសម៉្យាងឈ្មោះHPV។ វាជាវីរុសដែលឆ្លងពីមនុស្សម្នាក់ទៅមនុស្សម្នាក់ទៀតតាមរយៈការរួមភេទ។ នៅពេលវីរុសនេះចូលក្នុងរាងកាយ វាចាប់ផ្តើមលូតលាស់ និងប៉ះពាល់ដល់មាត់ស្បូន។ ក្នុងដំណាក់កាល់ដំបូងនៃជំងឺមហារីកមាត់ស្បូន កោសិកាមហារីកត្រូវបានព្យាបាលជាសះស្បើយបាន។
យោងតាមការសិក្សាស្រាវជ្រាវអស់រយៈពេល៥ឆ្នាំទៅលើស្ត្រីដែលរងគ្រោះដោយជំងឺមហារីកស្បូន អត្រាចំនួន៦៨%ប៉ុណ្ណោះដែលជាសះស្បើយ។ អត្រានេះកើនឡើងរហូតដល់៩១% ប្រសិនបើជំងឺមហារីកត្រូវបានធ្វើរោគវិនិច្ឆ័យរកឃើញនៅដំណាក់កាលដំបូង។ ជាអកុសល មានស្រ្តីតែចំនួនតែ ៤៦%ប៉ុណ្ណោះដែលធ្វើរោគវិនិច្ឆ័យទាន់ពេវេលា។ ដូច្នេះ វាបង្ហាញថាអ្នកគួរតែចាប់ផ្តើមយកចិត្តទុកដាក់លើសុខភាព អាការ និង រោគសញ្ញាផ្សេងៗ។ បើទោះបីជាវាមិនមែនជារោគសញ្ញាជំងឺមហារីក វាក៏ជាការល្អក្នុងការចាប់ផ្តើមធ្វើការព្យាបាលជំងឺដទៃទៀតដើម្បីជាសះស្បើយបាន។