ភ្នាក់ងារចំលងមេរោគអេដស៏ | Causes of HIV/AIDS
មេរោគអេដស៍គឺជាមេរោគដែលធ្វើអោយប្រពន័្ធការពារភាពស៊ាំរាងកាយរបស់មនុស្សចុះខ្សោយ ដែលវារីកដុះដាលក្នុងខ្លួនក្នុងរយៈពេលយូរ។ ជំងឺនេះបង្ហាញរោគសញ្ញាជាច្រើន ប៉ុន្តែវាមិនដែលចាកចេញពីរាងកាយយើងនោះទេ។
តើជំងឺអេដស៍ឆ្លងតាមរបៀបណា? មេរោគអេដស៍អាចឆ្លងតាម ការរួមភេទជាមួយដៃគូដែលមានផ្ទុកមេរោគអេដស៍ អ្នកមានស្នាមមុខរបួស ឬស្នាមដាច់រលាត់ ហើយប៉ះពាល់ ឈាម ឬសារធាតុរាវដែលមានផ្ទុកមេរោគអេដស៍ ការបញ្ចូលមេរោគអេដស៍តាមរយៈម្ជុល ឬសឺរ៉ាំងរបស់ក្រុមអ្នកប្រើគ្រឿងញៀន ការចម្លងពីម្តាយដែលមានផ្ទុកមេរោគអេដស៍ទៅកូន។
មូលហេតុដែលធ្វើអោយការរួមភេទក្លាយជាកត្តាចំបងក្នុងការចំលងមេរោគអេដស៍គឺ ការរួមភេទដោយមិនប្រើប្រាស់ស្រោមអនាម័យ។ មេរោគអេដស៍អាចរស់នៅក្នុងទឹកកាមរបស់បុរស សារធាតុបញ្ចេញតាមផ្លូវបន្តពូជនារី។ ដូច្នេះ អ្នកនឹងអាចឆ្លងប្រសិនបើ សារធាតុរាវទាំងនោះជ្រាបចូលក្នុងសារពាង្គកាយ។
ការបញ្ចូលមេរោគអេដស៍តាមរយៈម្ជុល ឬសឺរ៉ាំងរបស់ក្រុមអ្នកប្រើគ្រឿងញៀនអាចចំលងមេរោគអេដស៍ ពីមនុស្សម្នាក់ទៅមនុស្សម្នាក់។ មេរោគអេដស៍អាចរស់នៅក្នុងឈាម។ ដោយម្ជុល ឬសឺរ៉ាំងទាំងនោះត្រូវបានប៉ះពាល់ឈាមដែលមានផ្ទុកមេរោគ ដូច្នេះមេរោគនោះនឹងចូលក្នុងសារពាង្គកាយ។
មូលហេតុមួយទៀតគឺ ការចម្លងពីម្តាយដែលមានផ្ទុកមេរោគអេដស៍ទៅកូន កំឡុងពេលទារកនៅក្នុងផ្ទៃ នៅពេលសំរាល និងនៅពេលបំបៅដោះកូនដោយទឹកដោះ។ ដូច្នេះ កុមារប្រឈមមុខនឹងការឆ្លងមេរោគអេដស៍បំផុត។
អ្នកស្រាវជ្រាវ បានអះអាងថា សារធាតុរាវផ្សេងទៀត ដូចជា ទឹកមាត់ ទឹកភ្នែក លាមក ទឹកនោម មិនមានសមាសភាគគ្រប់គ្រាន់ដែលអាចឱ្យមេរោគអេដស៍រស់នៅបានទេ។ បន្ថែមលើនេះ ក៏មិនទាន់មានឯកសារណាដែលបញ្ជាក់ថា មានការចម្លងមេរោគអេដស៍តាមរយៈការប្រើប្រាស់សំលៀកបំពាក់រួមគ្នា ការថើប ឬក្អកនោះទេ។
ទោះជាមេរោគអេដស៍ពុំមានថ្នាំព្យាបាលយ៉ាងណាក៏ដោយ ក៏មានវិធានការមួយចំនួនដែលអាចជួយការពារអ្នកនិងដៃគូអ្នកអោយជៀសផុតពីមេរោគអេដស៍ និងមេរោគដទៃទៀត។
